8 (84722) 3-48-61, г. Элиста, ул. Пушкина, д.1, e-mail: sananlib@mail.ru
Режим работы: c 9-19 часов, пн-выходной. Подробнее...

«Одд тал күргдгнь – дегтр»

Дата создания:
16:30
«Одд тал күргдгнь – дегтр»
«Одд тал күргдгнь – дегтр» 0«Одд тал күргдгнь – дегтр» 1«Одд тал күргдгнь – дегтр» 2

А. М. Амр-Санана нертә Келн-улсин дегтрин саңгд мөрн сарин 24-д «Библиосө-2021» акц давсмн. Цуг әрәсән акц орн-нутгар арвн җилдән давулгдҗана. Эн керг-үүлдврин һол күслнь: дорас өсч йовх баһчуд эврәннь медрлән улм гүүдүлҗ, өдгә цагт зәңг интернетәс авсн деерән дегтрмүдт барлсн тоотыг бас оньган авх кергтә гисн сана зүүҗәнә. Әрәсән сойлын министерств болн «Культура. РФ» сойлын зөөр хадһллһна портал эн акциг бүрдәв.

Әрәсән Президентин зәрлгәр 2021-ч җил номин болн технологийсин гиҗ батлгдсн билә. Бас эн җил Советин Союзин иргн Ю. А. Гагарин нарт-делкәд түрүн болҗ сансрт нисәд, 60 җил болв. Тегәд эн ончта өөн темдгләд, «Одд тал күргдгнь – дегтр» гидг төрәр эн җилин библиосө давулгдв.

А. М. Амр-Санана нертә Келн-улсин дегтрин саңгин ахлач Н.И. Каншаева ирсн гиичнриг, умшачнриг бүлән үгәр тосҗ, олн зүсн «станцст» орхин туст үрвр кев. Дегтрин саңгд ут тоодан нәәмн иим станц көдлв.

Келн-улсин библиографин болн келн-улсин хойр әңг негдәд «Санср болн Хальмг Таңһч» гидг керг-үүлдврәр орлцачнриг тосв. Энүнд Хальмг ик сурһулин багш С. Дертеев, номин доктор Б. Бичеев, Элстин 15-ч тойгта дунд сурһулин багшнр Н. Бадмаева, С. Есенов болн оютнр, сурһульчнр шунмһаһар орлцв.

Эн ик керг-үүлдвр давуллһнд таңһчин артистнр, шүлгчнр, номтнр, зурачнр, багшнр, оютнр, сурһульчнр җил болһн дөң-тусан күргнә гиҗ темдглх кергтә.Тиим кевәр җилд нег дәкҗ дегтрин саңгуд йирин көдлмшин бәәдлән сольҗ, өдгә цагин соньн эв-арһс олзлад, билгтә баһчудын оньгинь авлҗ библиосө давуллһнд цуг чидлән өгч, дегтрин саңгиг ик ончта соньн цутхлңд хүврәдг мөн.

174
RSS
Нет комментариев. Ваш будет первым!
Загрузка...